Home » Aħbarijiet (Page 4)
Category Archives: Aħbarijiet
Artikli Oħra
Arkivji
Żjara tal-Kolonna tal-Martirju ta’ San Pawl fis-Santwarju
Bħala parti miċ-ċelebrazzjonijiet tal-1950 sena mill-Martirju ta’ San Pawl, il-Kolonna tal-Martirju ta’ San Pawl li tinsab fil-Kolleġġjata ta’ San Pawl Nawfragu se tkun qed iddur il-knejjes tal-Belt Valletta.
Nhar l-Erbgħa 14 ta’ Ġunju din il-Kolonna se tinġieb fis-Santwarju tagħna b’pellegrinaġġ mill-Kon-Katidral ta’ San Ġwann li se jitlaq fis-5.45p.m.
Nhar il-Ġimgħa 16 ta’ Ġunju l-Kolonna se titlaq mis-Santwarju għal ħabta tas-6.15p.m. lejn il-Parroċċa ta’ Santu Wistin.
Nistiednu l-kulħadd biex jattendi.
L-Erbgħat tal-Udjenza tal-Madonna tal-Karmnu
Minn GĦADA jibdew L-ERBGĦAT TAL-UDJENZA TAL-MADONNA TAL-KARMNU.
Fl-10:00am: Quddiesa li tintemm bis-supplika quddiem is-Santwarju għażiż tal-Madonna tal-Karmnu.
Fis-6:00pm: Rużarju medidat
Fis-6:30pm: Quddiesa konventwali bil-ħsieb fuq is-seba’ ferħat tal-Madonna minn Dun Dillon Bugeja. Wara l-quddiesa tingħad il-Kurunella u ssir ċelebrazzjoni Marjana bil-kant tar-Regina Ceoli u l-Flos Carmeli. Wara tingħata l-barka sagramentali.
Is-Santwarju Bażilika jibqa’ miftuħ il-ġurnata kollha.
Il-Festa ta’ San Ġużepp se ssir fl-1 ta’ Mejju
Minħabba l-attivitajiet marbuta mal-Presidenza Maltija tal-Kunsill tal-Unjoni Ewropea, għadna kemm ġejna infurmati li l-Pulizija ma tistax toħroġ il-permessi għall-purċissjoni bl-istatwa ta’ San Ġużepp nhar id-19 ta’ Marzu.
Għalhekk it-tmexxija tal-fratellanza, flimkien mal-Pirjol, iddeċidiet li l-festa SE SSIR NHAR IT-TNEJN L-1 TA’ MEJJU, FESTA TA’ SAN ĠUŻEPP ĦADDIEM.
Nitolbu lill-fratelli u lil dawk kollha devoti ta’ San Ġużepp biex ixandru dan il-post u jinfurmaw lil ħaddieħor li l-festa se ssir nhar l-1 ta’ Mejju.
Se jinfetaħ il-proċess għall-kawża tal-Beatifikazzjoni u Kanoniżżazzjoni ta’ Patri Avertan Fenech
L-Arċisqof ta’ Malta, Mons. Charles J. Scicluna ħabbar li fit-2 ta’ Frar 2017, Jum il-Ħajja Konsagrata u l-Festa tal-Preżentazzjoni tal-Mulej fit-Tempju fid-Djoċesi ta’ Malta se jinfetaħ il-proċess għall-kawża tal-Beatifikazzjoni u Kanoniżżazzjoni ta’ Patri Avertan Fenech, reliġjuż Karmelitan li f’ħajtu u wara mewtu sal-lum gawda u għadu jgawdi fama ta’ qdusija fost il-Poplu ta’ Alla.
L-aħħar tislima xierqa lir-Rettur tal-Arċikonfraterità ta’ San Ġużepp
L-aħħar tislima xierqa lill-maħbub Rettur tal-Arċikonfraterità ta’ San Ġużepp, Johann Josef Tisch. Grazzi lil fratelli kollha li ħafu sehem, lill-Arċikonfraternità tal-Madonna tal-Karmnu u lill-fratellanzi l-oħra ta’ San Ġużepp li ngħaqdu magħna. Nibqgħu nżommu lill-għażiż Johann fit-talb tagħna. Agħtih Mulej il-mistrieħ ta’ dejjem.
Titħabbar il-mewt tar-Rettur tal-Arċikonfraternità ta’ San Ġużepp
Tħabbret il-mewt tar-Rettur tal-Arċikonfraternità ta’ San Ġużepp Johann Tisch li seħħet matul il-lejl. Il-funeral tar-Rettur tal-Arcikonfraternità se jsir nhar is-Sibt 7 ta’ Jannar fit-8:00am. Dan se jibda b’korteo minn Pjazza Indipendenza fit-7:45am sas-Santwarju Bażilika bis-sehem tal-Arċikonfraternità ta’ San Ġużepp. Wara tibda l-quddiesa mmexxija mill-Pirjol u Direttur Spiritwali bis-sehem ta’ rappreżentanti mill-fratellanzi ta’ San Ġużepp imxerrda madwar Malta.
Agħtih mulej il-mistrieħ ta’ dejjem!
Imnedija l-Għaqda Madonna tal-Karmnu Valletta
Dalgħodu tnediet l-Għaqda Madonna tal-Karmnu Valletta li se tkun qed tgħin lill-Komunità Karmelitana li rappreżentata mill-Pirjol/Prokuratur tal-Festa, tieħu ħsieb bi ftehim magħhom torganizza, il-Festi Esterni kollha tal-Festa tal-Madonna tal-Karmnu li jsiru ġewwa l-Belt Valletta.
Il-ġurnata bdiet billi fl-10.00 a.m. saret quddiesa mmexxija mill-Pirjol Patri Alex Scerri O. Carm. Wara l-quddiesa dawk preżenti ltaqgħu fir-refitorju tal-kunvent fejn il-Pirjol tkellem dwar l-għan ta’ din l-għaqda. Tnieda l-logo uffiċjali mill-Pirjol u wara s-Segretarju tal-għaqda John Farrugia ppreżenta l-istatut lil dawk preżenti. Wara saret diskussjoni dwar l-istatut. Wara saret il-ħatra tal-karigi kif ġej:
Pirjol/Prokuratur tal-Festa: Patri Alex Scerri O.Carm
Chairperson: Julian Vassallo
Viċi Chairperson: Ryan Catania
Segretarju: John Farrugia
Assistent Segretarju/PRO: Christian Pace
Kaxxiera: Brenice Zammit
Assistenta Kaxxiera: Marilyn Pace Mintoff
Direttur Imħażen u Proġetti: Carmel Pace
Konsulent tal-Għaqda: Charles Portelli
Rappreżentant taż-Żgħażagħ: Enya Curmi
Kummissjoni Fund Raising:
Kordinatur: Neil Blundell
Membri: Andre Grech, Chris Saffret, Darren Micallef, Rita Blundell, Jennifer Scicluna, Noel Muscat, Joanne Camilleri.
Kummissjoni Nar 20 ta’ Lulju: Ilario DeGiovanni, Clyde Borg, Joseph Grioli
Kummissjoni Banda: Ryan Catania, Ronnie Catania, Omar Coleiro, Kevin Borg
Kummissjoni IT: Carl Farrugia, Kevin Curmi
Wara l-ħatra tal-Kumitat sar l-ewwel diskors miċ-Chairperson Julian Vassallo fejn ħeġġeġ lin-nies preżenti biex jidħlu membri u jkompli jaħdmu biex inkabbru l-festa.
Quddies fis-Santwarju
Kuljum:
7:00 a.m., 10:00 a.m. u 6.30 p.m.
Ħdud u Festi:
8:00 a.m., 10:00 a.m., u 6.30 p.m.